Read Kahua KI 137 Bible Online

KI 137 - Kahua bible

KI 137

¹Igia ka oga igê na ve i Babilone ma ka angiangi, matena ga takusia aporo Sione.

²Igia ka kuharenigi na gita iaka igê na apinige i akereni na ve i ngekana.

³Na enoni, ga bani henauhuraugia ka vi tangagia ka kiki. Ngaira ka bonasigia, viga kiki tangara, ka vivi: “Mu kiria tangagami na ki renia i Sione.”

⁴Tanu hega igia ka kiria na Araha i na agua, ga mamahuara igê?

⁵Manga gê bonotenigo, Jerusaleme, siana ke tonga na rimaku i otoku!

⁶Siana ke tonga na meaku, manga gê pe takusigo ma kê pe tenigo teharigi na marâ hato getegi!

⁷Araha, gu takusira na ai ni Etome, matena ga hagasuhia Jerusaleme. Gu takusigi aporo na tamasinga iata, ga vivi: “Hogea ngavê na hinua hagenani.”

⁸Babilone, ka page hagasuhigo ngavê. I babarisi na enoni, i barugi aporo na marâ, go bani katogi tangagami.

⁹I babarisi na enoni, i ranguira na kare bu iamu, ma ki rahutenira igê na hê raha.