Read Kahua KI 138 Bible Online

KI 138 - Kahua bible

KI 138

¹[៩៧] Inê kê visigo koro, Araha, i mêrihaku hagenani. Inê kê kirigo i maata na ataro.

²Inê kê maatia na Ruma ni Rotu apuna iamu. Inê kê bêrusu ma kê hagarahasia na atamu. Renia na takuiha ma na totosuriha iamu ka goga tare, ma ko hagamonarigi tare na tamasinga iamu, tahema ki rongo raha teha na atamu.

³Igo ko aganariê, matena gê avarasigo. Na raramohamu ki hagaramoniê.

⁴Na maneraha hato i maveta ka page hagarahasigo, Araha, suria ngaira ka bani rongogi na suruha iamu.

⁵Ngaira ka page kirigi na tauhamu, ka vivi: “I raha teha na raramohana na Araha.”

⁶Naka ma igo ko teha ngavê, igo ko marupera na enoni purua ma haritagi, ma na enoni paroparo ki asa, vige ahi tenigo.

⁷Naka ma gê oga igê na bagabevoani, igo ko bâbâsuriê maninga. Igo ko hagabarasira na merongaku ramo, ma ko hagatahiê renia na raramohamu.

⁸Igo ko page hagamonarigi na ara ni suruha iamu. Na takuiha iamu, Araha, ki asa, vige page hato. Gu hatungia na tagaraha iamu.