Read Kahua KI 14 Bible Online

KI 14 - Kahua bible

KI 14

¹[១១] Na enoni, ga hagaiga God i mêrihata, ka mangara na enoni, ga bekabekaga. Ngaira hato ka erataga, ma na parongata ka era ngavê. I mareha rârâ na vere tage, vige marupegi na ramata.

²Na Araha God ki hahutugira so na enoni, hanana i girarara na ani, ga tako mataha ma ka rahesia.

³Ma ngaira hato ka râ tasi, ma ka erataga ngaira hato. Mareha rârâ, vi na ani gi tage na hitangita, vige koro.

⁴Ma ki hagate, ki vi na Araha: “Ga hite vari ngaira hato? I bono na usuta vari na enoni, ga erataga? Ngaira ka hanago tenira na kariaku, ma ka hagamamasiagara ngavê. Ngaira ka tanugi na tarani ngegê, manga vi na ngêra iata, ma ka pe rahesiê nikâ.”

⁵Ma ka page magu ngavê na enoni ngegana, suria God ki tamanira na ani, ga tê viteana.

⁶Na enoni era ka hagaerasigi na katoha iata na enoni, ga matareha ma ka haritagi. Ma na Araha ki hagatahira, ma ki ama ni anumasira nga, suria ga hagêguri togo renia.

⁷Inê kê nungia nga God na Araha, ki hagatahira na Isiraelita. Ma i ngekana ka page vagevage ma ka obakoro na kariana na Araha. Suria na Araha ki page katogi, ki arâ bâkoro aporo na ara ni marâ hato tangara.