Read Kahua KI 140 Bible Online

KI 140 - Kahua bible

KI 140

¹[៩៩] Araha, gu hagatahiê tenira na enoni era, ma ku anumasiê tenira na ani ga nahu enoni.

²Ngaira ka katogi tare na katoha ga pe oto. Tarema ngaira ka katora na enoni, ka heariha.

³Na meata ka mangara na ma, ga garagara hunu. Na tamasinga iata ka mangara na ma, ga marisira ngavê na enoni.

⁴Araha, gu anumasiê tenigi na raramohata na enoni era. Gu hagatahiê tenira na ani, ga nahu enoni ma ka harikato reniê, viga hagavotariê.

⁵Na enoni paroparo ka tutu kariê. Ngaira ka nakagi na etu, ma ka sutasuta kariê i tara.

⁶Inê kê tamasi tangago, Araha, kê vi: “Igo na God iaku.” Gu aganariê, gê avarasigo, Araha.

⁷Araha, God iaku, na raramohaku ma na tahingaku, igo ko bani anumasiê igê na henahunahu.

⁸Araha, siana ko aganarigi na teniha iata na enoni era. Siana ka akê me na katoha iata.

⁹Siana na merongaku ka tehariê. Na eraha, ga katogi tangê, ke tarahura hete.

¹⁰Ge rangisira na marahana na gi ramo. Ge kasira igê na kiru ma ke oga tare igê.

¹¹Ke votavota na ani, ga tugurira purua na enoni getera. Na eraha ke tarahura ma ke hagaerasira ngavê na ani ga nahu enoni.

¹²Araha, inê kê girara, go tamanira na enoni matareha ma ko rohe pusira na ani ga baguru.

¹³Ga page hagarahasigo na enoni, ga koro ma oto, ma ngaira ka page oga i pasimu.