Read Kahua KI 141 Bible Online

KI 141 - Kahua bible

KI 141

¹[១០០] Inê kê avarasigo, Araha. Gu tamaniê nga! Gu aganariê, matena gê avarasigo.

²Gu aganaria na nunginungi iaku, manga na marâ, i sigini koro, ga sungia tangago. Gu aganariê, gê tagare rima, manga na vogasiha tangago i manurahi.

³Araha, gu hagaotoa na haraku, hanana siana kê tasitasi renigi na tamasinga iaku.

⁴Siana kê tenigi na eraha, ma siana kê hakunira na enoni tasi igê na bagatauhata se igê na magotoha iata.

⁵Manga na enoni koro, ma ki hagaitangiê se i ramoniê, ngaia ki koro tangê. Ma inê kê usitenigi hagetage na tamasinga iata na enoni era, ga nakanaka bêta, suria na nunginungi iaku ka pusigi na bagatauhata.

⁶Matena ga kasira vota na maneraha iata igê na tarihu, na enoni ka page tanga monari, vi na tamasinga iaku ki monari.

⁷Na surita ka tâ totoko i na akerena na matahu, manga ga tâ totoko na ario, ga bani sitasita ma ka bani vuruvurusigi.

⁸Ma inê kê ama ni hagêguri togo nga renigo, Araha God iaku. Inê kê naasigo, vigu anumasiê. Siana kê meme!

⁹Gu anumasiê tenira na ani ga sutasuta kariê, tenira na ani ga tutu kariê.

¹⁰Na enoni era ke tu mareta igê na etu iata, matena inê kê tata hura.