Read Kahua KI 143 Bible Online

KI 143 - Kahua bible

KI 143

¹[១០២] Araha, gu aganaria na nunginungi iaku. Gu karingagi na avarasiha iaku. Gu aganariê, suria i oto tare na tauhamu, ma ko hagamonarigi tare na suruha iamu.

²Siana ko hagatamasiê, inê na kariamu. Mareha ta na enoni, vige matarotaro i maamu.

³Na merongaku ki bani tavogeniê, ma ki bani aharêsiê ngavê. Ngaia ki bani kasiê i ruma ni hagaitangiha, i roto hono. Inê kê mangara na ani ga bani me hato.

⁴Tahema inê kê sugi rumakaka. Inê kê tugupu ngavê.

⁵Inê kê takusigi aporo na mateni i nago. Inê kê tako renigi na marâ hato, go bani katogi. Inê kê takusigi na tauhamu hatohato.

⁶Inê kê tagare rima tangago, matena gê nunginungi. Inê kê magêsigo, manga na mako avagavaga i tenia na rangi.

⁷Araha, gu aramiê nga i ngekê. Inê kê raruni era ngavê. Siana ko murisigeê, hanana siana kê hakunira na enoni, ga bani me noga.

⁸I na ara ni mavoraro gu hagamaraka obaku, vi igo ko takuiê tare, suria gê hagêguri togo renigo. Inê kê ama ni nunginungi nga. Gu hagagirarê renia na tarana, i tuguhiê.

⁹Inê kê rukuruku i pasimu, Araha. Gu hagatahiê tenira na merongaku.

¹⁰Igo nga na God iaku. Gu hagesuriê, be tê viteamu. Gu korokoro tangê, ma ku hagaotoê suria na tara oto.

¹¹Araha, gu hagatahia na mêrihaku, manga go bani surua me tangê. Gu hagatahiê tenigi na bagabevoani, ga tarahuê, suria igo ko koro hunigo.

¹²Gu hagamesira na merongaku, suria igo ko takuiê. Gu hagaerasira na enoni hato, ga hagamamasiaga apeku, suria inê ki na kariamu.