Read Kahua KI 144 Bible Online

KI 144 - Kahua bible

KI 144

¹[១០៣] Hagarahasia na Araha, i anumasiê! Ngaia ki hagagirarê renia na hearihatana, ma ki hagesuriê renia na henahunahu.

²Ngaia ki anumasiê manga na ruma nganganihaga. Inê kê rukuruku i pasina, ma ngaia ki hagatahiê. Ngaia ki manga na bêata iaku, gê ngahingahi renia. Ngaia ki nakara i ruguhaku na enoni hato i maveta.

³Inê kê takusia, vi na enoni ki na marâ purua ma. Renia ta igo ko takoha raha renia? Renia ta igo ko marupea?

⁴Ngaia ki manga na kere manavasua. Na mauriha iana ki manga na mamaruha, i ritare.

⁵Araha, gu tangahia na vavearo ma ku so me. Gu hatarigi na barani, ma ngaigi ke asêsu.

⁶Gu katogi na marangea, ma ku tokorenira na merongamu. Gu hanasira ma ku hagagavasira.

⁷Go maroro so me, ku okeê tenia na rutuna. Gu hagatahiê tenigi na raramohata na ai mahuara.

⁸Ngaira ka hagahagaparu tare, ma ka tohetohe vero nikâ.

⁹Inê be kirigo, God, igê na ki haoru. Inê be ki tangago, ma be tarugia na gita iaku.

¹⁰Igo ko katora na maneraha, ka tehateha, ma ko hagatahia na kariamu o Tavite.

¹¹Gu hagatahiê tenira na ani ga nahu enoni. Gu hagatahiê tenigi na raramohata na ai mahuara. Ngaira ka hagahagaparu tare, ma ka tohetohe vero nikâ.

¹²O karemami ke ramoramo mangagi na apinige, ga akê nganganihaga. Ka karemami ke mangagi na u na peta raha, ga bâkoro, ga hagamahegi na ruguni na ruma.

¹³Na ruma ni harisi iamami ke vunuvunu renigi na ani ma vê na ngêra koro.

¹⁴Na sipi iamami igê na bena ke apara rako, ma siana ka hagasiri kare se apara me. Ke hato na henahunahu ma na angiha i hinua iamami.

¹⁵Ga babarisi na enoni, ga manga ngegana. Ga babarisi na enoni, ga hagarapea God, i Araha.