Read Kahua KI 146 Bible Online

KI 146 - Kahua bible

KI 146

¹Hagarahasia na Araha! Ataroku, gu hagarahasia na Araha!

²Inê be visia raha suria na mêriku hagenani. Inê be kiria God iaku igê na ogaha iaku hagenani.

³Siana kamu hagêguri togo renira na maneraha. I asa hagetage na enoni, vige hagatahigamu.

⁴Matena ngaira ka meme, ngaira ka aporo igê na mako. Igê na tangiana ngekana ka hatohato igê na katoha hato iata.

⁵I babarisi na enoni, i tarahua na hetamaniha, i râ me tenia God, o Jakobo ki rahesia. I babarisi na enoni, i hagêguria God na Araha iana,

⁶i hagavoragi na vavearo, na ano ma na asi, ma na marâ hato igê. Ngaia ki hagamonarigi tare na suruha iana.

⁷Ngaia ki surira oto na enoni matareha, ma ki hagangêra na ani, ga magê. Na Araha ki kasira hura na enoni tenia na ruma ni hagaitangiha,

⁸ma ki hagamaravagi na maata na enoni, ga guru. Ngaia ki hagamahara na enoni, ga tora higa. Ngaia ki takuira na kariana, ga koro ma oto.

⁹Ngaia ki anumasira na mamahuara i pasika. Ngaia ki tamanira na gete, ga nâ, ma na kare banogo, ma ki hagaerasira na enoni era.

¹⁰Na arahanga iana na Araha ki goga tare. Sione, na God iamu ki Araha tare, ki bê ki arâ. Hagarahasia na Araha!