Read Kahua KI 148 Bible Online

KI 148 - Kahua bible

KI 148

¹Hagarahasia na Araha! Visia raha na Araha, igamu hato mu oga i pasina.

²Igamu hato na angero iana, igamu hato na kariana i pasina, mu hagarahasia.

³Igamu na arito ma na hageha, mu hagarahasia. Mu hagarahasia, igamu na higu mave.

⁴Vavearo, gu hagarahasia. Mu hagarahasia, igamu na ve i avorana na vavearo.

⁵I tuguhira ngaira hato ke hagarahasia na Araha, suria ngaia ki hagavorara renigi na tamasinga iana.

⁶Ngaia ki bonasira, viga goga tare igê na atohata, ma ki asa iata, vige haritohea.

⁷Igamu hato i maveta, mu hagarahasia na Araha, ma igamu nikâ na ega i asi ma igê na rutuni.

⁸Igamu na marangea, na vaha ma na rangi anumaga teha, igamu nikâ na roga raha, ga tê viteana, mu hagarahasia na Araha.

⁹Igamu na hungani ma na barani, mu hagarahasia, ma igamu nikâ na apinige ni ngauha ma na vapuni.

¹⁰Igamu hato na marâ, mu mauri, manata ma na ani vasiga, ma nikâ na marâ, mu angoango, ma na manu, mu hagarahasia na Araha.

¹¹Igamu na maneraha ma na enoni hato, igamu hato, mu raha ma kamu nahunia na ramoha, mu hagarahasia na Araha.

¹²Igamu na kare viru ma na vahunani me nikâ, igamu nikâ na bani nuni ma na kere kare, mu hagarahasia na Araha.

¹³I tuguhira ngaira hato, viga hagarahasia na atana na Araha. Na atana ki rongo raha teharigi na ata getegi hato. Na raramohana ki teharerua na ano ma na vavearo.

¹⁴Ki tuguhira na Isiraelita, viga hagarahasia, suria ngaia ki koro tangara. Ngaia ke takuira ma ke hagarakonira, ke nganganihaga. Hagarahasia na Araha!