Read Kahua KI 149 Bible Online

KI 149 - Kahua bible

KI 149

¹Hagarahasia na Araha! Kiria na ki haoru tanga na Araha! Hagarahasia na Araha, matena na kariana koro ka rotu haku.

²Isiraelita, mu ageage renia God, i hagavoragamu. Igamu na kare i Sione, mu ageage renia na Araha iami.

³Mu hagarahasia igê na mâha iami. Mu tarotaro suria na ringe, ma kamu tarugigi na gita tanga na Araha.

⁴Na Araha ki vagevagesira na kariana. Ngaia ki katora na enoni, ga haritagi, ka tehateha.

⁵Ke vagevage na kariana God, suria ga teha, ma ke kiki vagevage suria na bungiana hagenani.

⁶Ke ngerengere raha ma ke visia raha God na Araha, matena ga taugi na tatapa masi i rimata.

⁷Ngaira ka page teharira na merongata ma ka page hagaitangira.

⁸Ngaira ka page rakura renigi na seni na maneraha iata na merongata ma na ani hato, ga nahunia na ramoha i pasita.

⁹Ngaira ka page hagaitangira na merongata hato i maveta suria na ramata iana God tangara. Ikê nga hanana na kariana God ga tehateha. Hagarahasia na Araha!