Read Kahua KI 16 Bible Online

KI 16 - Kahua bible

KI 16

¹[១៣] Araha God, gu anumasiê, suria gê hagêguri togo renigo, ma kê gavagava vê i pasimu.

²Araha, inê kê visigo “God iaku. Na marâ koro hato, gê nahunigi, ka râ me tenigo.”

³Na kariana na Araha ka koro teha, renia ga toto suria. Inê kê vagevagesira bâraha, matena gê oga henira.

⁴Na enoni, ga hagarapera na ataro, ka page tarahura rako na mamasiaganiha. I asa iaku, be vogasira na ataro, se avarasira henira nikâ.

⁵Igo, Araha, ki na mêrihaku hagenani. Igo ko marupeê, ki bê ki arâ.

⁶Na mêriha, go vateê, ki uhu ngavê tangê. Inê kê vagevagesigi na mahatanga iamu.

⁷Inê kê visia koro na Araha, suria i bêngeniê tare. Igê na bungiana nikâ inê kê takusia tare na Araha.

⁸Inê kê girara, vi na Araha ki goga heniê tare, ma ki asa iaku inê, be anumanuma.

⁹Inê kê obakoro ma kê visigo raha, Araha, ma kê ape aharupa hagetage.

¹⁰Suria go anumasiê pusia na mera, ma ki asa iaku, ve meme. I asa iaku, ve meme, suria go takuiê, ma inê kê toto surigo.

¹¹Igo ko bêngeniê tare igê na tara na mauriha mora. Inê kê vagevage ngavê i pasimu, ma kê obakoro renia na hetamaniha iamu tare ma tarema.