Read Kahua KI 17 Bible Online

KI 17 - Kahua bible

KI 17

¹[១៤] Araha, gu aganaria na nunginungi iaku, na nungi tanga na otoha. Gu karingê, matena gê avarasigo, suria gê tamasi monari.

²Gu suriê koro, Araha, suria go girara na monariha reniê.

³Igo ko girara na parongaku, ma ko bani uhungiê igê na bungiani. Igo ko bani uhungiê maninga, ma ko pe tarahua na eraha i pasiku.

⁴Inê ki pe rongo era na haraku, ma kê pe hagaparu. Igê na ogaha iaku inê kê oto surigi tare na ramata iamu. Inê kê pe râ surigi na parongata na enoni, ga oga sutaga.

⁵Inê kê râ suria tare na tara iamu, ma ki asa, be aharê tenia.

⁶Inê kê avarasigo, Araha, suria gê girarago, go aganariê. Gu ahariê ma ku karingê, ma ku rongogi na tamasinga iaku.

⁷Gu hagabângenia na takuiha raha ma tarema, ma ku hagatahiê. Manga go goga heniê, inê kê tahitahi tenira na merongaku.

⁸God, gu anumasiê, manga go anumasia na oruna na maamu. Gu marupeê, Araha, manga na kua i buhira na karena.

⁹Suria na manero ka sugi nahuiê, ma na merongaku ka rihiê.

¹⁰Ngaira ka pe makuku, ma ka tamasi paroparo.

¹¹Ngaira ka bani here suriê, ma i ngekê ka rihiê. Ngaira ka hahutugiê, hanana viga ranguiê.

¹²Ngaira ka mangara na o vasiga, ga ahiahi kariê. Ngaira ka mangara na o vasiga, ga ramo, ma ka marotaniê, viga ngasiê.

¹³Araha, u râ me! Gu urapusira ma ku teharira na enoni era. Gu hagatahiê tenira, ma ku nahira na merongaku.

¹⁴Gu hagatahiê tenira na enoni, ga ruruguha ngavê i maveta ikê. Gu hagaitangira renigi na mamasiaganiha, go bani nakagi tangara. Gu hagamamasiagara na kareta, ma na kareta nikâ na kareta.

¹⁵Ma inê kê page goga henigo inê, suria gê koro ma oto i maamu. Matena gê riterite, inê kê page rigia na bâbâhamu, ma kê page vagevage teha.