Read Kahua KI 2 Bible Online

KI 2 - Kahua bible

KI 2

¹Renia ta na enoni, ga pe tongesuri, ka urapusia God na Araha? Renia ta ka katogi purua ma na perenga ma na katoha?

²Na maneraha iata ka urapusia na Araha, ma ka katoa na perenga. Ngaira ka katoa na perenga pusia na maneraha, na ani God ki bani atea.

³Ngaira ka vi: “Na marâ na ta ka na ramata iaterua! Ge nakagi vê va!”

⁴Na Araha God i pasina ngaia ki ruru ma renira. Ngaia ki rurusira ma henigi na katoha purua iata.

⁵Ngaia ki tamasi ni mangariaganiha tangara, ma ki hagamagusira. Ngaia ki katora ka mamakuku renia na mangariaganiha iana.

⁶Ngaia ki vi: “I Sione, na hungana apuna, inê kê bani kasia igê, ki maneraha, na ani gê bani atea.”

⁷Na maneraha ngekê ki vi: “Mu karingê! Inê be hagarongogamu renia na tamasinga iana na Araha. Ngaia ki vi tangê, ki vi, ‘I ngekê igo o kareku, ma inê na vaemamu.

⁸Gu nungiê ma, ma be haganahunigo renia na maveta hagenani. Ma inê be vatego na enoni hato igê, hanana go marungira.

⁹Igo ko page hagaitangira, ma ko page nahuira. Igo ko page nahuira manga na mane, i kamaria na apira na hê.’”

¹⁰Igamu hato na maneraha, mu takotako maninga! Igamu na ani mu marungia na maveta, mu karingagi na tamasinga iana na Araha.

¹¹I tuguhigamu, mu hanetasia na Araha, ma kamu têtê viteana.

¹²Gamu bêtuhia na Araha. I era ma ki mangariaga tangagamu. Suria ngaia ki mangariaga garigari, ma kamu gasuga ni meme renia. Ga babarisi na enoni, ga avarasia na Araha, hanana i anumasira.