Read Kahua KI 20 Bible Online

KI 20 - Kahua bible

KI 20

¹[១៧] Inê kê nungia na Araha, ki aganarigi na nunginungi iamu, matena ga tarahugo na mamasiaganiha. Ma ki anumasigo God na araha, o Jakobo ki rahesia.

²Ma ki hagaguhia vê tenia i pasina na ani i tamanigo. Ma ki vatego na hetamaniha tenia na hungana iana i Sione.

³Ma ki aganarigi na votovoto hato iamu, ma ki vagevagesigi na vogasiha hato iamu.

⁴Ma ki vatego na marâ hato, go barigigi, ma ki hagamonarigi na katoha hato iamu.

⁵Vigana igami kami page ngerengere vagevage, renia go teharira na merongaka. Megami kami page magoto, renia go teha, ma kami page visia raha God iaka. Igami kami nungia na Araha, ki aganarigi na nunginungi hato iamu.

⁶I ngekê inê kê girara, vi na Araha ki page katoa, ki tehateha na maneraha, ngaia ki bani atea. Tenia i pasina ngaia ki aganarigi na nunginungi iana. Na Araha raramohaga hunia ki page katoa, ki teharira ngavê na merongana.

⁷Tani ka hagêgurigi na kati ni henahuita, ma tani ka hagêgurira na hosi ni henahunahu. Ma igia, igia ka hagêguria na Araha God iaka, i raramohaga hunia.

⁸Ngaira ka page tariahehu ma ka votavota, ma igia, igia ka page arâ otooto, ma ka rêra gatagata.

⁹Araha, gu katoa, ki tehateha na maneraha. Gu aganaria na nunginungi iamami.