Read Kahua KI 23 Bible Online

KI 23 - Kahua bible

KI 23

¹[២០] Na Araha ki marupeê, manga na mane i marupera na sipi iana. Ngaia ki marupeê bâkoro. I pe marehasiê ta na marâ.

²Ngaia ki hagamamaroê igê na bena ni go koro. Ngaia ki bêngeniê tanga na nonganonga na ve oto.

³Ngaia ki ama ni hagaramoniê nga, ki bê ki arâ. Ngaia ki hagaotoê surigi na ara na otoha suria na suruha iana.

⁴Naka ma inê ve râ igê na roto hono, i asa be magu, Araha, suria igo ko uraniê. Igo ko anumasiê manga na avanu ni sipi renigi na tarure ma na vato iamu.

⁵Igo ko hagarêa na ngauha tangê i maata na merongaku hato. Igo ko monea na bêku, suria go hagahigasiê, ma na kâkâ iaku ki vunu ahaharê.

⁶Inê kê aitangisigo, go koro tangê ma ko takuiê suria na mêrihaku hagenani. Suria na maurihaku hagenani inê be rahesigo i pasimu.