Read Kahua KI 24 Bible Online

KI 24 - Kahua bible

KI 24

¹[២១] Na Araha ki nahunigi na maveta ma na ara ni marâ hato igê. Na ano ma na marâ hato, ga mauri igê, ki na anina na Araha.

²Ngaia ki naka na maveta, ki nganganihaga igê na asi igê na matava tara.

³Ti ki arari tanga, vi akê igê na hungana iana na Araha? Ti ki arari tanga, vi bêbanu i ruma apuna iana?

⁴Ngaira ma ka matarotaro, ma ka paronga koro ma oto. Ngaira ma ka pe hagarapera na ataro, ma ka pe tohetohe vero.

⁵Na Araha, na hagamauri, ki page korokoro tangara. Ngaia ki page visira, viga matarotaro i maana.

⁶Na enoni ngegana ka garia na Araha, ma ka banu i maana God, o Jakobo ki rahesia.

⁷Igamu na maa ni ruma, igamu na maa ni ruma ni rotu, mu tahataha. Suria na maneraha, i bâ hahanetaga, ki bêbanu vê.

⁸Ti ki na maneraha, i bâ hahanetaga? Ngaia ki na Araha raramohaga hunia, na Araha, i tehateha i na henahuita.

⁹Igamu na maa ni ruma, igamu na maa ni ruma ni rotu, mu tahataha. Suria na maneraha, i bâ hahanetaga, ki bêbanu vê.

¹⁰Ti ki na maneraha, i bâ hahanetaga? Na Araha raramohaga hunia, i tehateha, ngaia ki na maneraha, i bâ hahanetaga.