Read Kahua KI 26 Bible Online

KI 26 - Kahua bible

KI 26

¹[២៣] Gu suriê koro, Araha, suria gê paronga koro tare, ma kê raruni togo renigo bâraha.

²Gu uhungiê ma ku hagatamasiê, Araha, ma ku surigi na obaniha ma na takotako iaku.

³Na takuiha tare iamu ki bêngeniê, ma inê kê toto surigo tare.

⁴Inê kê pe hakunira na enoni, ga era, ma kê sikasika tenira na enoni bagasusuka.

⁵Inê kê marakorotenira na enoni, ga erataga, ma kê pe harekonira na enoni tasi.

⁶Araha, inê kê tohe, gê matarotaro. Inê kê rihia na bea ni vogasiha, matena gê rahesigo.

⁷Inê kê kirigo ma kê visigo koro, ma kê tamasigi na tagaraha hato iamu.

⁸Araha, inê kê vagevagesia na ruma ni rotu, na ruma go goga igê, God raramohaga hunigo.

⁹Siana ko hagamagahuruê henira na enoni tasi. Siana ko nahuiê ngavê henira na ani ga nahu enoni.

¹⁰Siana ko hagamesiê henira na enoni, ga hagabekabeka tare. Siana ko nahiê henira na enoni, ga taugi na vatevate.

¹¹Ma inê kê oto tare. Gu takuiê ma ku hagatahiê.

¹²Inê kê gatagata igê na otoha. Inê be kasigo akê, Araha, matena ga hagarahe haku me na kariamu.