Read Kahua KI 28 Bible Online

KI 28 - Kahua bible

KI 28

¹[២៥] Inê kê avarasigo, Araha. Tahingaku, gu karingê! Manga go pe aganaria na angiha iaku, inê kê page hakunira na enoni, ga meme.

²Gu anagaria na nunginungi iaku, matena gê avarasigo. Igê na hagarahenga inê kê gusi na rimaku tanga na agua apuna iamu i Ruma ni Rotu.

³Siana ko suriê hagaitangiê henira na enoni era, henira na ani ga erataga ngavê. Ngaira ka rongo koro na tamasinga i harata, ma na kiteniha ki goga i na aitangihata.

⁴Gu hagaitangira surigi na tauhata, surigi na bagaparongata. Gu hagaitangira surigi na tagara iata, ma ku vatera na meni, ga ararira.

⁵Ngaira ka pe botage renigi na tagaraha iana na Araha ma renigi na marâ, i bani hagavoragi. Tahema igo ko page hagaitangira, ma ko page hagamagahurura ngavê.

⁶Ka visia raha na Araha, suria i aganariê, matena gê avarasia.

⁷Na Araha ki hagaramoniê ma ki anumasiê. Inê kê hagêguri togo renia. Ngaia ki tamaniê ma ki hagakoro obaku. Inê kê kiria ma kê visia koro.

⁸Na Araha ki anumasira na kariana. Ngaia ki hagaramonia ma ki hagatahia na maneraha, i bani atea.

⁹Araha, gu hagatahira na kariamu, ma ku korokoro tangara na enoni iamu. Gu bêngenira manga na avanu ni sipi, ma ku marupera tare ma tarema.