Read Kahua KI 29 Bible Online

KI 29 - Kahua bible

KI 29

¹[២៦] Igamu na angero, mu visia raha na Araha. Na raramohana ma na bâbâhana mu visigi raha.

²Mu hagahigasia na Araha raha, manga hanana i araria. Mu bêrusu tanga God, i raha teha, i ruma ni rotu iana.

³Na ringena na Araha ki rongo raha i asi. Na raramohana God ki akurua. Na ringena na Araha ki tagitagi i asi, ma ki gugusuhia.

⁴Na ringena na Araha ki raramohaga teha, ma ki hagakonera ngavê na enoni.

⁵Na ringena na Araha ki bogegi na hata, ki barugigi na hata igê na hungani i Libanone.

⁶Ngaia ki katogi na hungani i Libanone, ka asihura mangara na kareta na puruka. Ngaia ki katoa na hungana i Heremone, ki asipage manga na bêhâgona na puruka mane.

⁷Na ringena na Araha ki katoa na marangea, ki sisiki i vavearo.

⁸Na ringena na Araha ki ngingia na bena na masusu, ki ngingia na bena na masusu i Katesi.

⁹Na ringena na Araha ki abareregi na gugura, ma ki tahusigi na ahani na apinige ni vapuni. Ma i Ruma ni Rotu iana na enoni hato ka ngere, ka vi: “Ka visia raha God raramohaga hunia!”

¹⁰Na Araha ki marungia na matava tara. Na arahanga iana ki goga tare ma tarema.

¹¹Na Araha ge hagaramonira na kariana, ma ke vatera na marapeha.