Read Kahua KI 3 Bible Online

KI 3 - Kahua bible

KI 3

¹[១] Ga rako era na merongaku, Araha! Ma ka rako era na ani, ga urapusiê.

²Ngaira ka tamasiê ma ka visiê, ka vi: “God ki asa, vige tamania.”

³Ma igo, Araha, ko manga na bêata tangê, suria go anumasiê tenigi na eraha. Igo ko katoê kê teharira na merongaku, ma ko hagaramoniê ngavê.

⁴Inê kê avarasia na Araha, ma tenia na hungana apuna iana ngaia ki aganariê.

⁵Inê kê tâ kê mauru i bea ma na Araha ki anumasiê bâkoro suria na bungiana hagenani.

⁶Inê kê pe magutenira na rehagaro na merongaku, ga oga rihiê.

⁷Araha, u râ me! God, gu hagatahiê! Igo ku bahitarira na merongaku hato, ma ko huhurigi na rivota, hanana siana ka erasiê.

⁸Igo getego ma, Araha, ko girara go hagatahira na enoni. Araha, gu tamanira na kariamu, ma ku korokoro tangara.