Read Kahua KI 30 Bible Online

KI 30 - Kahua bible

KI 30

¹[២៧] Inê kê kasigo akê, Araha, suria go hagatahiê. Igo ko pe hagamarumungenira na merongaku, ke makimaki teniê.

²Araha, God iaku, inê kê avarasigo, ma igo ko hagakomagê.

³Inê kê meme noga, ma igo ko hagamauriê. Inê kê aporo tenia na kiru.

⁴Mu kiria na Araha ma kamu visia raha, igamu hato na kariana, mu toto suria. Mu takusigi na korohana God, na Araha ma kamu visia koro renigi.

⁵Ngaia ki mangariaga surigi na mateni abubu, ma na korohana ki goga tare ma tarema. Na enoni ka oba era vari suria na bungiana, ma i mavoraro ngaira ka obakoro aporo.

⁶Matena na ramana inê kê vi, vi: “I asa, vige tarahuê ta na marâ era nikâ.”

⁷Igo ko korokoro tangê, Araha, ma ki bâ manga gê ura gatagata manga na hungana. Memuri igo ko murisigeê, ma inê kê anumanuma nikâ.

⁸Inê kê avarasigo, Araha, ma kê nungigo, ko tamaniê.

⁹“I tamanigo vari na mera iaku, matena ga bagiê i ano? Na enoni, ga me, ka girara vari, ga visigo raha? Ngaira ka girara vari, ga tamasia na korohamu, i goga tare ma tarema?

¹⁰Gu karingê, Araha, ma ku takuiê, ma ku tamaniê, Araha.”

¹¹Inê kê oba era, ma igo ko katoê, kê obakoro aporo, ma kê mâmâ. Inê ki rugu na obaku, ma igo ko katoê, kê vagevage aporo.

¹²Inê be kirigo ma be visigo raha. I asa iaku, ve muni. Araha, God iaku, inê be visigo koro tare ma tarema.