Read Kahua KI 36 Bible Online

KI 36 - Kahua bible

KI 36

¹[៣២] Na tasi ki aharêsira na enoni. Ngaira ka usitenia God ma ka pe hanetasia.

²Suria ngaira ka hagarahasira mareta, ngaira ka takusia ma, vi God ki pe giraragi na tasi iata ma ki pe kikitenigi.

³Ngaira ka hagabeka ma ka hagaparu. Ngaira ka bani kasigi vê na paronga koro ma oto.

⁴Ngaira ka katogi na katoha era, matena ga tâtâ i banata. Ngaira ka ategi na tarani, ga pe oto, ma ka pe kikitenigi na eraha.

⁵Araha, na takuiha tarema iamu ki raha teha manga na vavearo. Ma na monariha iamu ki raha teha manga na bevoa i haha.

⁶Na otohamu ki akê mangagi na barani. Na suriha iamu ki manga na matava tara. Igo ko marupera na enoni ma na marâ hato, ga mauri.

⁷God, na takuiha tarema iamu ki koro teha ngavê, ma ki hagakoro obamami. Igo ko anumasigami, manga na kua, i anumasira na karena, ga rukuruku i gagahana.

⁸Igami kami vagevagesigi na ngêra raha, go vategami bâraha. Igo ko hagatonomigami renia na korohamu, i gogo manga na ve raha.

⁹Igo ki na hunani na mauriha hato, ma ko mavesigi na obamami.

¹⁰Gu ama ni takuira nga na enoni, ga aitangisigo. Gu ama ni korokoro nga tangara na enoni, ga koro ma ka oto i maamu.

¹¹Siana na enoni, ga paroparo, ka purisiê ma ka puriê. Siana na enoni, ga erataga, ka hagavasiê tenira.

¹²Na enoni era ka vota so ikana. Bâ, ngaira ka abahigi na maata, ma ki asa, vige page ura haraga.