Read Kahua KI 38 Bible Online

KI 38 - Kahua bible

KI 38

¹[៣៤] Siana ko ramoniê, Araha, ma siana ko mangariaga tangê. Siana ko hagaitangiê, ma siana ko naka na siva tangê.

²Igo ko hagamamariê renigi na mage iamu, ma ku tahuruê, kê tâ so i ano.

³Inê kê hatamigi na mamasiaganiha raha, renia go mangariaga tangê. Na apeku hagenani ki mangusi agani renigi na ginoku era.

⁴Na ginoku era ka manga na ve, i maganu, i toreê ma kê tono igê. Ngaigi ka higeê bâraha, hanana vi ve toregi.

⁵Na maara iaku ka babasu ma ka mapu, suria inê kê pe hinaru.

⁶Inê kê maroro so, ki tariha i ano. Inê kê angi maramara i na ara ni tangiani.

⁷Ki rarata na apeku ma kê matoro, ma kê sugi meme noga.

⁸Ki meme na apeku hagenani, ma kê mangusi bâraha. Ki hepehepe na matoku, renia gê anumanuma, ma kê gegege renigi na mamasiaganiha.

⁹Araha, igo ko bani girara na marâ, gê naasia bâraha, suria go rongoê, gê gegege.

¹⁰Ki tagara rêrê na bunaniaku, ma kê mameaga, ma karu vahagaga na maaku.

¹¹Na tamaku ma na enoni i pasiku ka hagarisiê. Ma na goaku ka hagarisiê nogata, suria gê babasu.

¹²Na enoni, ga merongasiê, ka tutu kariê. Na merongaku ka hagamakukiê ma ka harikato reniê tare.

¹³Inê kê manga na enoni, i pungu na karingana, ma ki asa, be rongorongo. Inê kê manga na enoni, i bi na harana, ma ki asa, be tamasi.

¹⁴Inê kê manga na enoni, i pe tamasi bê aporo, suria i asa, be rongorongo.

¹⁵Ma inê kê hagêguri togo renigo, Araha, suria igo ko page aganariê, Araha God iaku.

¹⁶Siana na merongaku ka makimaki teniê igê na mamasiaganiha iaku. Siana ngaira ka ngiringiriê, suria gê vota.

¹⁷Inê kê sugia ma be vota, ma kê mamasiaga tare.

¹⁸Inê kê visigi mataha na tasi iaku, ma kê angitenigi.

¹⁹Na merongaku ka apekoro ma ka ramoramo, ma na ani, ga ruhiê purua ma, ka rako.

²⁰Na enoni, ga barugi na korohaku renigi na eraha, ngaira ka merongasiê, suria gê rapasia na otoha.

²¹Siana ko paniê, Araha! God, siana ko hagarisiê!

²²Gu tamaniê nga i ngekê, Araha ma hagamauri iaku!