Read Kahua KI 4 Bible Online

KI 4 - Kahua bible

KI 4

¹[២] God, gu aganaria na nunginungi iaku, suria igo ko anumasiê tare. Matena ga tarahuê na eraha, igo ko tamaniê. Gu takuiê i ngekê, ma ku aganaria na nunginungi iaku.

²Igamu na enoni, i arihu manga i he, igamu kamu ama ni guhariê nga? Igamu na enoni, i arihu manga i he, igamu kamu ama ni tamasi erasiê nga? Igamu kamu hagaerasiê purua ma renigi na hagaparunga, ga angarigamu.

³Igamu na enoni, mu takotako maninga. Na Araha ki bani atera tanga marena na enoni, ga koro ma ka oto i maana. Ma ngaia ki aganaria na nunginungi iaku, matena gê avarasia.

⁴Mu magutenia na Araha, ma siana kamu tasitasi nikâ. Mu takotako maninga renia na tarana ngekê, matena mu tâtâ munimuni i banami.

⁵Mu avarasia na Araha igê na tarani, ga oto. Mu rahesia na Araha, ma kamu hagêguri togo renia.

⁶Rako na enoni ka nunginungi, ka vivi: “Araha, go ama ni korokoro nga tangagami. Gu takuigami, Araha, ma ku aharigami.”

⁷Igo ko bani hagakoro obaku teharira na enoni, ga nahunigi rako na ngêra ma na vaini.

⁸Matena gê tâtâ igê na banaku, inê kê marape ma kê mauru. Suria igo getego, Araha, ko anumasiê koro teha ngavê.