Read Kahua KI 41 Bible Online

KI 41 - Kahua bible

KI 41

¹[៣៧] Ga babarisi na enoni, ga tako renira na enoni matareha. Na Araha ki page tamanira, matena i tarahura nogata na mamasiaganiha.

²Na Araha ki page anumasira, ma ki page marupera. Ngaia ki page katora, ka vagevage igê na agua ni suruha. Ngaia ki asa, vige page panira tangara na merongata.

³Matena ngaira ka ape era, na Araha ki page tamanira ma ki page hagakomagara.

⁴Inê kê bani nungi, kê vi: “Araha, inê kê tasi, gê pe tê viteamu. Gu takuiê, ma ku hagakomagê.”

⁵Na merongaku ka tamasi erasiê. Ngaira ka obaniê, vigê meme, ma ka bonoteniê.

⁶Na enoni, ga vatugiê, ka koro na tamasinga iata. Ma igê na aitangihata ngaira ka manavateniê. Ngaira ka bâbâ renia, vi manga i he na mera iaku, ma ka hura ka hagarongo rârâ reniê.

⁷Na enoni hato, ga kiteniê, ka hahanguru reniê, ma ka naasiê renia na mera raha ngavê.

⁸Ngaira ka vi: “Na mera ki page torea. I asa, vige page ragêgana nikâ.”

⁹Na tamaku koro, gê raruni togo renia, ma kê mebêrihu, ngaia nogana ki erasiê.

¹⁰Araha, gu takuiê ma ku hagakomagê, hanana gê naka na siva tangara na merongaku.

¹¹Inê kê page girara, vi inê kê hagakoro obamu, renia ga page votavota na merongaku.

¹²Igo ko page tamaniê, renia gê katogi na tarani, ga oto, ma inê kê page goga tare i pasimu.

¹³Ka kasia akê na Araha, na God ga rahesia na Isiraelita! Ka hagahigasia nga, ki bê ki arâ! Monari! Monari!