Read Kahua KI 42 Bible Online

KI 42 - Kahua bible

KI 42

¹[៣៨] Tagenana manga na goti, i naasia na ve oto, inê kê naasigo, God iaku.

²Inê kê magêsigo, God hagamauri iaku. I na keta kê page girara, gê aporo, ma kê rahesigo i ruma ni rotu?

³Inê kê angiangi igê na tangiani ma na bungiani. Inê kê masu ma renigi na tavoni na maaku. Na merongaku ka hagateê tare, ka vivi: “I he na animu na God, igo nogamu?”

⁴Inê kê hetaki bâraha, bevoana gê takusia aporo na matena i nago. Inê kê mera haku na enoni hato, ga hagarahe. Inê kê bêngenira, matena ga arâ i ruma ni rotu. Igami kami vagevage, kami kiria na Araha, ma kami ngerengere, kami visia raha.

⁵Tanu hega ki rugu bâraha na obaku? Renia ta kê anumanuma? Inê be raruni togo renia na Araha, ma be hagarahasia God, na hagamauri iaku.

⁶Inê kê mamahuara ikê, ma kê hetaki bâraha. Tahema inê kê takusia aporo na Araha. Na maana na ve i Jotano i hungana i Heremone, na hungana o Misare.

⁷Na anumanumaha ki ogo heniê. Na aripo ka rihiê. Na bêrugu ka rongo raha, ma na ve ki ao manga na akurua.

⁸I na ara ni tangiani na Araha ki hagabângenia, vi ngaia ki takuiê tare nga. Vikê igê na bungiani inê kê kiria na Araha, ma kê rahesia God, na hagamauri iaku.

⁹Inê kê vi tanga God, i anumasiê, kê vi: “Renia ta ko pe tako reniê? Tanu hega kê ama ni hatamigi nga na mamasiaganiha, na merongaku ka katoê renigi?”

¹⁰Ngaira ka hagamamariê renigi na guhata iata, suria ngaira ka ama ni hagateê, ka vi: “Na God iamu i he? I he ngaia?”

¹¹Tanu hega ki rugu bâraha na obaku? Renia ta gê anumanuma? Inê be raruni togo renia na Araha, ma be hagarahasia God, na hagamauri iaku.