Read Kahua KI 43 Bible Online

KI 43 - Kahua bible

KI 43

¹God, gu suriê koro, ma ku rohe pusiê tenira na enoni, ga erataga. Gu hagatahiê tenira na enoni ni hagaparunga, ma ka pe oto na tauhata.

²Inê kê gava vê i pasimu, hanana go anumasiê. Renia ta ko paniê? Tanu hega kê ama ni hatamigi nga na mamasiaganiha, na merongaku ka katoê renigi?

³Gu mavesiê renirerua na marara ma na monariha iamu, hanana garu bêngeniê. I koro, ngairerua karu hagaporosiê tanga na Ruma ni Rotu iamu igê na hungana apuna iamu i Sione.

⁴Me muri inê be râ tanga na bea ni vogasiha, suria igo ki na hunana na vagevageha iaku. Inê be tarugia na gita iaku, ma be kirigo, God, ma be kasigo akê, God iaku.

⁵Tanu hega ki rugu bâraha na obaku? Renia ta kê anumanuma? Inê be raruni togo renia na Araha, ma be hagarahasia nikâ God, na hagamauri iaku.