Read Kahua KI 46 Bible Online

KI 46 - Kahua bible

KI 46

¹[៤១] Na Araha ki na marungaka, ma ki hagaramonigia. Ngaia ki nananê tare ni tamanigia igê na mateni na bagabevoani.

²Tahema ki asa iaka, vige magu, naka ma i gisigisi na maveta, ma na barani ka apuri so igê na rutuni.

³Naka ma ki rongo raha na asi, ma ki arobo na ruarua, ma ka angingi na hungani.

⁴Na ve ki gogogo i hinua raha iana na Araha, ma ki hagakoro obata na kariana i ruma apuna iana God raha teha.

⁵God ki goga i ngekana, ma na merongana ki asa, vige page hagasuhia. Matena na kakahuagana na tangiana ngaia ki page tamanira na kariana.

⁶Na enoni, ga pe tongesuria na Araha, ka magu ma ka tari ngerengere, ma ki hato na raramohata na maneraha iata. Na ringena God ki rongo manga na akurua, ma na maveta ki rukunia.

⁷Na Araha raramohaga hunia ki tamanigia. Na God, o Jakobo ki rahesia, ngaia ki na marungaka

⁸Goaku, mu takusigi na tagara raha iana na Araha, na mena, ga hagakonera ma ka hagamagusira na enoni i maveta.

⁹Ngaia ki hatungigi na hemerongeana i maveta hagenani. Ngaia ki barugigi na epage ma na ora, ma ki sungigi na bêata.

¹⁰Ngaia ki tamasi, ki vi: “Siana! Hato na hemerongeana, suria God inê nga. Inê kê marungira na ara ni enoni hato. Inê kê marungia na maveta hagenani.”

¹¹Na Araha raramohaga hunia ki tamanigia. Na God, o Jakobo ki rahesia, ngaia ki na marungaka.