Read Kahua KI 47 Bible Online

KI 47 - Kahua bible

KI 47

¹[៤២] Igamu hato na enoni i maveta mu vagevage ma kamu hita baro. Mu kiria raha na Araha ma kamu hagahigasia.

²Mu hanetasia God raramohaga hunia, na Araha raha teha, i marungia na maveta hagenani.

³Ngaia ki katogia, ka teharira na enoni ahuroto, ma ka marungira na enoni i maveta, ga pe rahesia na Araha.

⁴Ngaia ki haganahunigia renia na agua, i bani surua tangagia. Igia ka ageage renia na agua ngekê. Ma ngaia ki takuigia na kariana.

⁵Na Araha God ki akê tanga na atohana. Na enoni ka ngerengere ma ka ahuri.

⁶Mu kiria God na Araha! Mu visia raha na maneraha iaka!

⁷God ki marungia na maveta hagenani. Mu ki kamu visia raha!

⁸God ki oga so igê na atohana apuna. Ngaia ki marungira na enoni hato i maveta.

⁹Na maneraha i pasita na enoni i maveta ka hakunira na kariana God, o Abaramo i rahesia. Ngaia ki araha raha teha. Ngaia ki ramo teharira na hakuta hato na mane ni me i maveta.