Read Kahua KI 52 Bible Online

KI 52 - Kahua bible

KI 52

¹[៤៧] Mane ramo, renia ta ko tamasi paroparo renia na bagaparongamu pusia God, i hagamonarigi tare na tamasinga iana?

²Igo ko kato erasira na enoni getera, ma ko guharira ma ko hagaparura tare. Na meamu ki manga na gê, i masi.

³Na eraha ki aharêsigo teharia na koroha. Na hagaparunga ki aharêsigo teharia na monariha.

⁴Igo ko obania ma, vigo hagamamasiagara na enoni renigi na tamasinga iamu, igo na mane ni hagaparunga.

⁵Tahema God ki page hagavotarigo ngavê. Ngaia ki page tahurugo hura tenia na ruma iamu, ma ki page hagamagahurugo, ko meme.

⁶Na enoni, ga koro ma ka oto, ka page magu, matena ga bâsia na tarana ngekê. Ma ngaira ka page rurusigo, ka vivi:

⁷“Bâ, ngaia ki pe hagêguri togo renia God, hanana i hagatahia. Ngaia ki hagêguri togo ma hete renigi na ruruguha raha iana. Ma na nahuninga rako iana ki asa, vige hagatahia.”

⁸Ma inê, inê kê manga na apinige na olive, i akê i ruma ni rotu iana God na Araha. Inê kê hagêguri togo tare ma tarema renia na takuiha iana mareha ki hatohato.

⁹God inê be visigo koro tare renia na tauhamu. Inê be hagagirarara na kariamu, renia vi igo ko koro teha.