Read Kahua KI 56 Bible Online

KI 56 - Kahua bible

KI 56

¹[៥១] God, gu takuiê, suria na merongaku ka puriê i ano, ma ka merongasiê tare.

²Na merongaku ka puriê i ano tare. Ga rako teha ngavê na enoni, ga mama i suriê ma ka tarigeniê.

³Araha raramohaga hunigo, matena gê magu, inê kê raruni togo renigo.

⁴Inê kê raruni togo renia God ma kê pe magu. Inê kê visia raha renigi na suruha iana. Na ta ka hagavorea tangê na enoni?

⁵Na merongaku ka uhungia tare, viga erasiê. Ngaira ka harikato tare reniê.

⁶Ngaira ka gamorahiê, ma ka hahutugiê.

⁷God, gu hagaitangira na enoni era ngegana. Gu mangariaga tangara ma ku hagavotarira.

⁸God, igo ko bani girara, hagehita inê kê arigurigu ma kê angiangi. Go pe bani segegi so vari igê na buka iamu?

⁹Igê na tangiana gê avarasigo igê, na merongaku ka gavagava. Inê kê girara nga, vi God na Araha ki tamaniê.

¹⁰Inê kê visia raha renigi na suruha iana.

¹¹Inê kê raruni togo renia, ma ki asa, be magu. Na ta ka hagavorea tangê na enoni?

¹²God, inê be vogasigo suria na suruha iaku. Inê be tagarenigi tangago na vogasiha na visiha koro.

¹³Renia igo ko hagatahiê tenia na mera, ma ko katoê, kê pe vota. Tahema, God, inê kê mauri i maamu, igê na marara, i mavesira na enoni, ga mauri.