Read Kahua KI 58 Bible Online

KI 58 - Kahua bible

KI 58

¹[៥៣] Igamu na maneraha, ga oto vari na suriha iami? Mu surira maninga vari na enoni hato?

²Igamu kamu katogi ma na tarani, ga era, ma na tarani na hemerongeana ma na hearihatana.

³Na enoni era ka tasi i surigi na mêrihata hagenani. Ngaira ka hagahagaparu, haganega me tenia na matena, ga vora me igê.

⁴Ngaira ka mangara na ma, ga garera na enoni, hanana ga meme.

⁵Ngaira ka bunigi na karingata, ka pe rongorongo, manga na ma i pe rongoa na viteana se na vonovonoha iana na avanuna, i hagamanata.

⁶God, gu barugigi na rivota na o vasiga ngegana, ma ku ragegi râ na rivo tara oto iata.

⁷Gu hagamagahurura mangagi na ve, ga mamata i ano. Gu purira so mangagi na go i tara, ga marama.

⁸Gu katora, ke mangara na aburu, ga vavave ma ka meme, se ge mangara na kere kare, ga hagasirira, ma ki asa, ge rigia na mavetana.

⁹Ngaira ka para ma, ma ka magahuru, mangagi na rauga, ga retegi. Naka ma ngaira ka mamauriga mênga se ga maria, God ki page rogatenira vê, suria na mangariaganihana ki manga na roga raha.

¹⁰Na enoni, ga tê viteana God, ka page vagevage renigi na hagaitangiha, ga tarahura na enoni tasi, suria ga uru igê na gaputa na enoni era.

¹¹Na enoni ka page vi: “I monari! God ki vurira bâkoro na enoni, ga tê viteana, ma ki suria na maveta.”