Read Kahua KI 60 Bible Online

KI 60 - Kahua bible

KI 60

¹[៥៥] God, igo ko bani kasi renigami ma ko bani hagavotarigami. Igo ko bani mangariaga tangagami, ma i ngekê gu têgami aporo.

²Igo ko bani katoa, ki angingi na mako ma ki avagavaga. Ma i ngekê gu hagatotoa aporo, suria i agorata noga.

³Igo ko bani hagamamasiagara bâraha na kariamu. Igami kami tariahehu, manga ka aripo na mamaami renia na tonoha.

⁴Igo ko bani kanukanura na enoni, ga hagahigasigo, hanana ga tahitahi tenia na hearihatana.

⁵Gu hagatahigami renia na raramohamu raha. Gu aganarigi na nunginungi iamami, hanana na kariamu hetakui ka tahitahi.

⁶I Ruma ni Rotu God ki bani tamasi, ki vivi: “Inê kê teha, ma be tonganira na kariaku renirerua i Sekemi ma na marugana i Suko.

⁷Gileata ma Manase ka na aniku. Eperemo ki manga na bêata iaku, ma Juta ki na raramohaku.

⁸Moaba ki manga na apira ni tanani rima iaku. Inê kê barutukia Etome, suria ki na aniku. Inê kê ngirira na ai ni Pilisitina, suria gê teharira.”

⁹God, ti ki page bêngeniê tanga na hinua raha, ga rihia renia na panga raha nganganihaga? Ti ki page bêngeniê tanga i Etome?

¹⁰Monari, vi igo ko bani kasi renigami vari? Igo ko pe tage râ vari henira na ruruha na mane ni me iamami?

¹¹God, gu tamanigami tenira na merongamami, suria na enoni ki pe araria, vige tamanigami.

¹²Manga igo, God, ma ko tamanigami, igami kami page tehateha, ma igo ko page teharira na merongamami.