Read Kahua KI 61 Bible Online

KI 61 - Kahua bible

KI 61

¹[៥៦] God iaku, gu karingê! Gu aganaria na nunginungi iaku!

²Inê kê tako tatara, ma kê mamahuara ikê. Inê kê avarasigo.

³Gu meêrâ tanga na agua, gê tahitahi igê, suria igo ki na tahingaku ma na ngahisiku tenira na merongaku.

⁴Gu kasiê be oga i ruma ni rotu iamu suria na maurihaku hagenani. Gu nakê be tahi i pasimu, mangara na kere kua, ga rukuruku i bebena na kenata.

⁵God, igo ko bani giraragi na suruha iaku, ma ko bani haganahuniê renigi na marâ, go vatera na enoni, ga tê viteamu.

⁶Gu katoa na maneraha, ki mauri arihu. Gu katoa, ki mauri tare, ki bê ki arâ.

⁷God, gu katoa, ke maneraha tare, ma ke hagakoro obamu. Gu anumasia renia na takuiha tarema iamu, ma ku hagamonarigi tare na suruha iamu tanga.

⁸Vikê inê be kirigo be visigo raha tare, matena gê vogasigo igê na ara ni tangiani surigi na suruha iaku tangago.