Read Kahua KI 62 Bible Online

KI 62 - Kahua bible

KI 62

¹[៥៧] Inê kê naasia haritagi God, i hagatahiê, suria ngaia getea ma inê kê hagêguria.

²Ngaia getea ma ki na anumasiha iaku, na tahingaku ma na ngahisiku, ma ki asa iaku, be vota.

³I arihu manga i he, igamu hato kamu sugariê? Inê kê manga na apê, i ura marere. Inê kê manga na ravoravo, i ahoge.

⁴Igamu kamu obania ma, vigamu hatungiê tenia na arahanga iaku. Igamu ki mahaha i harami na hagaparunga. Ga rongo koro na tamasinga iami tangê, ma igê na aitangihami igamu kamu guhariê.

⁵Ngaia getea ma God inê kê hagêguria. Inê kê tako togo renia.

⁶Ngaia getea ma ki na anumasiha iaku, na tahingaku ma na ngahisiku, ma ki asa iaku be vota.

⁷God ngaia getea ma ki hagatahiê, hanana siana kê maki. Ngaia ki manga na ruma nganganihaga, gê tahitahi igê.

⁸Kariaku, mu hagêguri togo renia God tare ma tarema. Mu visigi mataha tanga na bagabevoani, ga tarahugamu, suria ngaia ki na tahingaka.

⁹Na enoni hato ka na rogaroga purua ma. Na enoni raha ka vora na enoni purua nikâ. Mu hagakitakitagi na higahigata. Ngaira ka mahaha ngavê teharia na rogaroga.

¹⁰Siana kamu hagêguri togo renigi na ruruguha, mu hanagogi tenira na enoni, mu haganunura. Siana mu tako togo renigi na nahuninga, mu hanagogi. Naka ma na ruruguha iami ka raha teha, siana kamu hagêgurigi.

¹¹Inê kê bani rongoa God, i bani vi hagarako, vi na ara ni ramoha ka na anina, ma na takuiha iana ki goga tarema.

¹²Araha, igo maremu ko vuria na ara ni enoni surigi na tauhana.