Read Kahua KI 63 Bible Online

KI 63 - Kahua bible

KI 63

¹[៥៨] God, igo ki na God iaku. Inê kê tangasigo. Inê kê magêsigo igê na aitangihaku, manga na mako, i aruga ma ki rikitaga, ki obania bâraha na rangi. Manga na mako, i bêrataga, ki obania na rangi, inê kê magêsigo.

²Inê kê obania, be bâsigo i ruma ni rotu. Inê kê obania, be bâsigi na raramohamu raha ma na bâbâhamu raha.

³Na takuiha tarema iamu ki koro teharia na mauriha. Tahema inê be hagarahasigo.

⁴Inê be visigo koro suria na maurihaku hagenani. Inê be rahesigo ma be avarasigo.

⁵Igo ko katoa na korohamu, ki angariê ngavê, menê be kirigo ma be vagevagesigo.

⁶Matena gê tâtâ i bea, inê kê takusigo. Suria na bungiana hagenani igo ko goga i na aitangihaku, renia igo ko tamaniê tare.

⁷Inê kê kirigo ma kê vagevagesigo, suria igo ko anumasiê manga na kua, i hagarukunira na karena i bebena.

⁸Inê kê tê surigo, ma igo ko tauê gatagata, hanana go anumasiê.

⁹Na enoni, ka uhungia, viga nahuiê kê meme, ngaira ka so igê na agua iata na enoni, ga bani me noga.

¹⁰Ngaira ka page meme igê na hearihatana, ma na o vasiga ka page ngaugi na gahuata.

¹¹Na maneraha ki page vagevage, suria God ki katoa, ki tehateha. Na enoni, ga tohetohe renia God, matena ga surusuru, ngaira ka page hagarahasia. Ma na enoni ni hagaparunga ka page muni na harata.