Read Kahua KI 64 Bible Online

KI 64 - Kahua bible

KI 64

¹[៥៩] God, inê kê anumanuma. Gu aganaria na nunginungi iaku! Inê kê magutenira na merongaku. Gu hagatahiê tenira.

²Gu anumasiê tenigi na katoha pinihi reniê, ga katogi na enoni era, ga oga sutaga.

³Na meata ka masi mangagi na tatapa borahu, ma na kuasiha iata ka mangagi na mage.

⁴Ngaira ka hagatoraira na enoni koro, ma ka tamasi erasira. Ngaira ka mangara na manero, ga gamorahira na enoni, hanana viga hanasira.

⁵Ngaira ka hegêni igê na katoha era iata. Ngaira ka hegirare, vi i he ka nakagi pinihi igê na tu iata. Ngaira ka vivi: “Na enoni ki asa, vige bâsigia henigi.

⁶I asa ta na enoni, vige giraragi na bagaparongaka. Na enoni ki bara, vige tarahua na katoha iaka, suria igia ka katoa bâkoro maninga.” Ti ki giraragi na takotako iana na enoni ma na aitangihana?

⁷Ma God ki hanasira renigi na mage, ma ka para ma, ma ka mamari.

⁸Ngaia ki page hagaerasira ngavê renigi na tamasinga iata ngegana. Ma na enoni, ga bâsira ga mamari, ngaira ka karikaringe bê renira.

⁹Vikê na enoni hato ka magu. Ngaira ka page takusigi aporo na tauhana God, ma ka page tarohenigi.

¹⁰Na enoni hato, ga tê viteana na Araha, ka page vagevagesigi na tauhana. Na enoni hato, ga koro, ngaira ka page rukuruku i pasina, ma ka page hagarahasia.