Read Kahua KI 75 Bible Online

KI 75 - Kahua bible

KI 75

¹[៦៨] God, igami kami visigo koro bâraha renigi na korohamu. Igami kami hagarahasigo, ma kami tarohenigi na mena iamu.

²God ki vi: “Inê kê bani naka na matena tanga na suriha ma kê page surira maninga na enoni.

³Naka ma i gisigisi na maveta ma ka tatata na enoni, inê be têa gatagata na gatana.

⁴Inê kê vi tangara na enoni era, siana ka heruruhi,

⁵ma siana ka tamasi paroparo.”

⁶Tenia i kerekê se kereso ki pe râ me igê na suriha, se tenia i kere taha se kere banu.

⁷Ngaia nga God ki surira na enoni: tani ki hagaitangira, ma tani ki surira koro.

⁸Na Araha ki têa i rimana na kâkâ, i vunu renia na vaini na mangariaganiha iana. Ngaia ki ringia, ma na enoni hato ka tonomia. Ngaira ka tono hagamataria.

⁹Ma tangê inê, inê kê ama ni tarohenia nga kê kiria na God, o Jakobo ki rahesia.

¹⁰Ngaia ki page hatungia na raramohata na enoni era, ma ki page hagaraha na raramohata na ani ga tê viteana.