Read Kahua KI 76 Bible Online

KI 76 - Kahua bible

KI 76

¹[៦៩] Na ai ni Juta ka aitangisia God na Araha. Ma na Isiraelita ka hagarahasia.

²I pasina i Jerusaleme God ki goga igê na hungana i Sione.

³I ngekana ngaia ki barubarugigi na tangaruha hato, na mage, na bêata ma na tatapa borahu iata na merongana.

⁴God, igo ko bagararaha teha! Igo ko bâ hahanetaga ngavê teharira na merongamu, go nahuira igê na hungani.

⁵Igo ko henahuraugi na ara ni marâ hato tenira na mane ni me ramo iata. Naka ma ngaira ka ramo ma ka aitangisia na hearihatana, ma ngaira ka bani magahuru noga.

⁶Igo God, ga rahesigo na raraha iana o Jakobo, matena go ramonira na hosi ma na mane, ga tagirigi, ngaira ka vota ka me hunu.

⁷Ma igo, Araha, ga magutenigo bâraha na enoni hato. Matena go mangariaga, ki bara na enoni, vige tarari i maamu.

⁸Tenia na atohamu igo ko surira na enoni i maveta. Ngaira ka magu ma ka manamanapuaga.

⁹Igo ko râ me ko surira na enoni, hanana go hagatahira na enoni i maveta, ga hatamigi na mamasiaganiha.

¹⁰Igo ko hatungigi na raramohata na enoni, ga urapusigo, ma na hitangita, ga tahitahi mêngara, ka page têtê viteamu.

¹¹Igamu hato na agua hagarangia i Juta, mu hagamonarigi na suruha iami tanga na Araha God iami. Igamu kamu mahata tanga God na Araha, i tuguhira na enoni, viga magutenia.

¹²Ngaia ki kasira so na enoni raha, ga hagarahasira mareta, ma ki haganunura na maneraha.