Read Kahua KI 79 Bible Online

KI 79 - Kahua bible

KI 79

¹[៧២] God, na enoni ahuroto ka bani parênia na apanena iamu. Ngaira ka bani hagaerasia na Ruma ni Rotu apuna iamu, ma ka bani hagasuhia Jerusaleme.

²Ngaira ka panigi so na gahuata na kariamu, hanana na ahetaronga ma na o vasiga ka ngaugi.

³Ngaira ka nahuira na kariamu, ka gogo na gaputa. Na gaputa ka tata berabera manga na ve i Jerusaleme hagenani. Ma ki mareha ta na enoni, vige hita, hanana vige bêbagi na gahuata.

⁴Na enoni i na agua rihigami ka tamasi erasigami, ka rurusigami ma ka hagamakigami.

⁵Araha, igo ko mangariaga tangagami tare vari? Na mangariaganiha iamu ki ama ni tarê nga vari manga na gi raha?

⁶Gu mangariaga hete tangara na enoni, ga pe rahesigo, tangara na enoni i na agua getegi, ga pe tê viteamu.

⁷Renia ngaira nga, kani ga nahuira ka me na kariamu. Ngaira nga, kani ga hagasuhia na apanena iamu.

⁸Siana ko hagaitangigami renigi na tasi iata na uvarimami. Gu takuigami nga hete, suria igami kami bagahagêguri.

⁹God, gu tamanigami ma ku hagatahigami. Gu hagamaurigami ma ku bonotenigi na tasi iamami, hanana na enoni ka hagarahasigo.

¹⁰Tanu hega na enoni ahuroto ka hagategami, ka vivi: “I he nga na God iami?” Ha, kami pe bâsigo, gu hagaitangira na enoni ahuroto, suria ga nahuira na kariamu, ki gogo na gaputa.

¹¹Gu aganarigi na hagagegeha iata na enoni, ga oga i ruma ni hagaitangiha. Ma renia na raramohamu gu rupasira na enoni, ga bani surira, viga meme.

¹²Araha, gu hagaitangira ngavê na enoni, ga pe rahesigo, suria ngaira ka bani guharigo bâraha.

¹³Me muri igami na kariamu, mi mangara na sipi iamu, igami kami page visigo koro tare, ma kami hagarahasigo tare, ki bê ki arâ.