Read Kahua KI 81 Bible Online

KI 81 - Kahua bible

KI 81

¹[៧៤] Mu ngerengere ma kamu vagevagesia God, i anumasigia. Mu kiki kamu visia raha God, o Jakobo ki rahesia.

²Mu haganega na ringe ma kamu tahutahuru. Mu tarugigi na gita ma na ukalele, ka rongorongo hagavagevage.

³Mu uhihi na ahuri igê na tangiana raha, matena i rikiriki me na hageha, ma na matena i hagenani na hageha.

⁴Ikê ki na tauhata na Isiraelita, ma na ramata iana God, o Jakobo ki rahesia.

⁵Ngaia ki bonasira na Isiraelita renia, matena ga hura tenia i Esipito. Inê kê rongoa na ringena, i rongo hihitaga.

⁶Ngaia ki vi: “Inê kê hagamahagamu, matena mu buguru, se mu biribê na hê tanga na ruma.

⁷Matena mu goga igê na mamasiaganiha, igamu kamu avarasiê, ma inê kê hagatahigamu. Inê kê aganarigamu, matena gê gâga pinihi igê na roga raha ma na akurua. Inê kê uhungigamu igê na ve karu i Meriba.

⁸Kariaku, mu karingê, gê haganunugamu. Isiraelita, inê kê obanigamu bâraha, vigamu tê viteaku.

⁹Siana hagetage mu vogasira na ataro.

¹⁰Inê nga na Araha God iami. Inê nga gê toregamu hura tenia i Esipito. Mu manganga, menê be hagangêgamu.

¹¹“Ma na kariaku ka pe tê viteaku. Na Isiraelita ka guguruga tangê.

¹²Tahema inê kê nakara ma vê, ka râ surigi na togeaganiha iata.

¹³Inê kê obanira bâraha na kariaku, vige rongoê ma ke tê viteaku.

¹⁴Manga vige kato vikana, inê be hata ni teharira na merongata ma be hagaitangira na ani, ga merongasira.

¹⁵Na ani, ga kiteniê, inê na Araha, ke magu ma ke bêrusu i maaku, ma na hagaitangiha tangara ki goga tare.

¹⁶Ma inê be hagangêgamu renia na ani koro ngavê na ngêra, ma kamu masu nikâ renia na pirui.”