Read Kahua KI 82 Bible Online

KI 82 - Kahua bible

KI 82

¹[៧៥] God ki oga igê na atohana igê na hekarigiana. Ngaia ki tamasi tangara na ani, ga araha, ma ki tamasia na suriha iana.

²Ngaia ki vi: “I hato, vigamu katogi nikâ na suriha pe oto ma kamu panepane henira na enoni era.

³Mu roherohe pusira na enoni matareha ma na kare banogo. Mu surira oto na ani, ga baguru, ma na ani, ga pe tarahua na hetamaniha igê na mamasiaganiha iata.

⁴I tuguhigamu, vigamu hagatahira tenigi na raramohata na enoni era.

⁵Igamu kamu hite ma kamu bagatatako! Igamu kamu erataga ngavê, ma na otoha ki bani magahuru tenia na maveta.

⁶Inê kê bani visigamu, vi igamu ka na ani mu araha. Igamu hato na karena God, na Araha raha i teha.

⁷Ma igamu kamu page meme mangara na enoni purua, se manga na ani ma vê na maneraha.”

⁸God, gu rêrête me, ku marungia na maveta, suria go nahunira na enoni hatohato.