Read Kahua KI 83 Bible Online

KI 83 - Kahua bible

KI 83

¹[៧៦] God, siana ko munimuni! Siana ko piringiape se mangumanguaga!

²Bâ, na merongamu ka sugarigo, ma na ani, ga kitenigo, ka merongasigo.

³Ngaira ka harikato pinihi renira na kariamu. Ngaira ka harikato renira na ani, go tê surira.

⁴Ngaira ka vi: “Ge hagamagahurura hagetage! Ke tako mu vê renira na Isiraelita.”

⁵Ngaira hato ka heaganari renia na katoha iata, ma ka tohe heri, hanana viga hetamani ka merongasigo.

⁶Ngaira ka na ai ni Etome ma na raraha iana o Isimaele, ma na ai ni Moaba ma ngaira na Hagerita.

⁷Na ai ni Gebala mi Amone ma ngaira na Amaleki ma na ai ni Pilisitia mi Taire.

⁸Na ai ni Asiria ka haku henira nikâ, suria ngaira ka na tamata na ai ni Amone mi Moaba, na raraha iana o Loti.

⁹Go katora mangara na ai ni Mitiane, mo Sisera mo Jabini igê na ve i Kisone.

¹⁰Igo ko teharira i hinua i Enetore. Ma na gahuata ka arata maramanu.

¹¹Gu katora na maneraha iata mangarerua o Orebe mo Sebe. Gu teharira na araha hato iata mangarerua o Seba mo Salamuna.

¹²Ngairerua karu vi: “Igerua karu page parênia na apanena iana God na Araha.”

¹³God, gu tokorenira mangagi na momo, i rogasigi na roga, manga na ano, i akuhukuhu.

¹⁴Gu erasira ngavê manga na gi raha, matena na enoni ka sungia na mu, ma na tarihani na hungana ka tihu.

¹⁵Gu tarigenira vê igê na mangariaganiha iamu, ma ku hagamagusira renia na roga raha iamu.

¹⁶Araha, gu hagamakira bâraha, hanana ga girara, vi igo ko Araha.

¹⁷Gu hagamagusira ngavê ma ku hagaruruhi apeta, hanana i nahuira na makiha ma ka meme.

¹⁸Vikê, gu hagagirarara, vi igo getego ko Araha, ma ko Araha raha teha, go marungia na maveta hagenani.