Read Kahua KI 88 Bible Online

KI 88 - Kahua bible

KI 88

¹[៨១] Araha God, hagamauri iaku, inê kê avarasigo i na arani tangiani ma na bungiani.

²Gu aganaria na nunginungi iaku, ma ku karinga na avarasiha iaku.

³Inê kê haga ni me nga, suria gê anumanuma teha.

⁴Inê kê mangara na enoni, ga raparapa. I mangusi na apeku, ma ki asa be tahi.

⁵Na enoni ka rumakaka reniê, manga vi inê kê bani me noga. Inê kê manga na enoni, i me igê na hearihatana, ma ka bani bagia noga. Inê kê mangara na enoni, ga hitenira ngavê, ma ki asa iamu, vigu tamanira.

⁶Igo ko bani kasiê vato i na agua, ga oga igê na enoni ga me, igê na kiru na roto hono.

⁷Na mangariaganiha iamu ki hagahigeê ma ki rubungiê manga na asi.

⁸Igo ko bani katora na tamaku, ka paniê, ma ka makimaki teniê. Na anumanumaha ka bani purusiê, ma ki bara ve gava.

⁹Na maaku karu pungu renigi na mamasiaganiha. Araha, inê kê avarasigo i na ara ni tangiani, ma kê nungigo, ko tamaniê.

¹⁰Igo vari ko katogi na mena tangara na enoni, ga me hunu? Ngaira ka aharaga vari, ka hagarahasigo?

¹¹Na enoni i na matahu ka tamasigo vari, vigo takuira tarema? Na enoni i na kiru ni kakaganiha ka tamasigo vari, vigo hagamonarigi tare na suruha iamu?

¹²Na enoni i na agua ngekana i na roto hono ngaira ka bâsigi vari na mena iamu? Na enoni i na agua ni hitenga ka takusia vari na korohamu?

¹³Araha, inê kê avarasigo. I na ara ni mavoraro inê kê nungigo.

¹⁴Renia ta ko usiteniê, Araha? Renia ta ko murisigeê?

¹⁵Tenia na matena gê sisite, inê kê tâ tete ma kê hatamigi na mamasiaganiha. Inê kê mangusi bâraha, suria na hagaitangiha iamu ka higeê.

¹⁶Na mangariaganiha raha iamu ki rubungiê. Na hagaitangiha iamu ka erasiê bâraha.

¹⁷Ngaigi ka susu heniê manga na maganuha ma ka koromeniê.

¹⁸Na tamaku koro nikâ igo ko bani katora, ka paniê, nga noga ma na roto hono ki na tamaku.