Read Kahua KI 95 Bible Online

KI 95 - Kahua bible

KI 95

¹Nika, ge visia raha na Araha! ge ngere vagevagesia God, i anumasigia!

²Ge rotu i maana ma ke visia koro, ma ke kiria ma ke hagarahasia.

³Renia na Araha ki God raramohaga hunia. Ngaia ki Araha raramohaga hunia teharira na ara ni ataro hato.

⁴Ngaia ki marungigi na maveta hagenani ma na rutuni i asi ma na barani.

⁵Ngaia ki marungia na asi, i hagavora, ma na ano nikâ, i tagarahia ngaia marena.

⁶Nika, ge bêrusu ma ke rahesia! Ke susure i maana na Araha, i hagavoragia.

⁷Ngaia ki na God iaka. Igia ka na enoni, i marupegia, na totoha na sipi, i bâbâsurigia. Mu karingagi na tamasinga iana, ma kamu têtê viteana.

⁸Ngaia ki vi: “Siana mu togeaga mangara na uvarimi i Meriba, se i Masa igê na bagamanihê raha.

⁹I ngekana ngaira ka uhungiê ma ka garigariê, he naka ngaira ka bani bâsigi na mena iaku.

¹⁰Inê kê kitenira ngavê na enoni ngegana surigi na harisi tangahuru ge he agê. Inê kê vi tangara, kê vi: ‘Igamu kamu haritohe bâraha. Igamu kamu usi ni têgi na ramata iaku.’

¹¹Inê kê mangariaga ma kê tohe, vi: ‘I asa iami, vigamu page banu i na agua ni suruha, gê obania, vigê hagamamarogamu igê.’”