Read Kahua KI 97 Bible Online

KI 97 - Kahua bible

KI 97

¹Na Araha ki marungia na maveta hagenani. Maveta, mu vagevage! Ma igamu na marê i asi, mu obakoro!

²Na vaha ma na roto hono ka rihia na Araha. Ngaia ki marungira na enoni igê na monariha ma na otoha.

³Na gi raha ki hagenago tarana na Araha, ma ki ngaura na merongana, ga rihia.

⁴Na marangea iana ka mavesia na ano. Na maveta ki bâsia ma ki tata.

⁵Na hungani ka rono i maana na Araha, i maana na Araha, i avanuna na maveta hagenani.

⁶Na vavearo ma na bevoa tatara ka tarohenia na otohana, ma na enoni hato i maveta ka rigia na raramohana raha.

⁷Ka maki na enoni, ga vogasira na ataro. Na ataro hato ka bêrusu i maana na Araha.

⁸Na kare ni Sione ka rongoa ma ka obakoro, ma na hinua raha i Juta ka vagevage renigi na suruha iamu, Araha.

⁹God raramohaga hunigo, igo ko marungia na maveta hagenani. Igo ko teharira ngavê na ataro hato.

¹⁰Na Araha ki takuira na enoni, ga kitenigi na eraha. Ngaia ki marupegi na ogaha iata na kariana, ma ki hagatahira tenigi na raramohata na enoni era.

¹¹Na marara ki mavesira na enoni, ga oto na tauhata, ma na vagevageha ki hagakoro obata na enoni, ga koro.

¹²Igamu hato na enoni, mu koro ma oto, mu vagevage renigi na tagaraha iana na Araha, Mu takusigi na tauhana God apuna, ma kamu visia koro renigi.