Read Kahua KI 98 Bible Online

KI 98 - Kahua bible

KI 98

¹Mu kiria na Araha igê na ki haoru, suria ngaia ki bani tanugi na mena. Ngaia getea renia na raramohana raha marena, tahema ngaia ki teha.

²Na Araha ki tarohenia, vi ngaia ki teha. Ngaia ki hagagirarara na enoni hato i maveta renia na raramohana ni tahinga.

³Ngaia ki hagamonaria na suruha iana tangara na Isiraelita, suria ngaia ki toto surira ma ki takuira tare. Na enoni hato i maveta hagenani ka bani girara, vi God iaka ki teha.

⁴Maveta hagenani, mu ki vagevagesia na Araha! Mu kiria kamu visia raha, ma kamu ngerengere vagevage!

⁵Mu kiria ma kamu hagarahasia na Araha. Mu tarugigi na gita iami!

⁶Mu uhigi na ahuri ma na êhihi ma kamu ngerengere, suria mu vagevagesia na Araha, i marungigia.

⁷Asi ma na ega hato igê, mu ngere vagevage! Mu kiki, igamu na maveta ma na marâ hato igê.

⁸Igamu hato na ve, mu hitahita baro! Igamu hato na hungani, mu kiki haku, kamu vagevagesia na Araha.

⁹Renia na Araha ki sugi râ me noga, ki marungia na maveta. Ngaia ki page surira na enoni hato i maveta igê na otoha ma na monariha.