Read Kahua KI 99 Bible Online

KI 99 - Kahua bible

KI 99

¹Na Araha ki marungia na maveta hagenani, ma na enoni hato ka magu ma ka tata. Ngaia ki oga so igê na atohana i avorata na marâ, ga tonga na gagahata, ma na maveta ki gisigisi.

²Na Araha ki raramohaga i Sione. Ngaia ki teharira na enoni hato i maveta.

³Na enoni hato ka page kasia akê. Ngaia ki bâ haneaga ma ki rongo raha na atana. Mu rahesia!

⁴Araha raramohaga hunigo, igo ko vagevagesigi na otoha. Igo ko vatera na Isiraelita na ramata henigi na otoha ma na monariha.

⁵Mu hagarahasia na Araha God iaka! Mu bêrusu i maana! Mu rahesia!

⁶O Moise mo Aroni ka na mane ni hagarahenga iana. Mo Samuele ki rahesia. Ngaira ka avarasia na Araha, ma ngaia ki aganarira.

⁷Ngaia ki tamasi tangara tenia na u na vaha. Ngaira ka marupegi na tamasinge ma na ramata, i bani vatera.

⁸Araha God iamami, igo ko aganarigi na nunginungi iata na kariamu. Igo ko hagagirarara, vi igo ki na God, go bonotenigi na tasi iata, henaka go hagaitangira renigi.

⁹Mu hagarahasia na Araha God iaka! Mu vogasia igê na hungana apuna iana. Mu rahesia na Araha God iaka!