Read Kahua NA MARAMARÊRAVA 18 Bible Online

NA MARAMARÊRAVA 18 - Kahua bible

NA MARAMARÊRAVA 18

¹Na enoni i masesi ki arâ surigi so ma na tauhana marena. Ngaia ki asa vige aganaria na hagaotonga koro.

²Na enoni i bekabekaga ki pe botage vi ngaia ki nahunia na aitangisiha se mareha. Ngaia ki atani tamasi purupuru mavê.

³Na tasi ma na makiha karu tâ haku. Manga go bagatauhamu, igo ko hagamakigo maremu.

⁴Na tamasinga iana na enoni i tako mataha ka mangagi na rutuni i asi, se mangagi na ve oto marava ga gogogo.

⁵I pe oto vige panepane henira na enoni ga aharê se vige pe vatera na enoni ga pe aharê renigi na marâ ga oto tangara.

⁶Na tamasinga iana na enoni i bekabekaga ka hagavoregi ma na hekorekoreani. Ngaia ki nungia marena na hagaitangiha.

⁷Matena na enoni bekabekaga i tamasi, ngaia ki hagaerasia marena. Ngaia ki tu igê na tamasinga iana marena.

⁸Na hakuniana na enoni ki mamaki manga na pirui i harata na enoni. Ngaira ka obania bâraha.

⁹Na enoni i babaga, ngaia ki era manga na enoni i oga sutaga.

¹⁰Na Araha ki manga na bebetehe nganganihaga. Na enoni koro ka girara ga rukuruku igê.

¹¹Na enoni ruruguha ka takusia vi na ruruguha iata ki anumasira mangagi na para raha ma ngangahaga ga anumasia na hinua raha.

¹²Na enoni ki asa vige hagahigasigo manga vigo pe haritagi. Na enoni i paroparo ki page vota.

¹³Manga go arami, matena go pe rongo, igo ko bekabekaga ma na enoni ka rurusigo.

¹⁴Manga go tako gatagata vigo mauri, igo ko page teharia na maeha. Ma ki manga i mareha, ma na ta nikâ?

¹⁵Na enoni ni takoha ki nahuni aitangisiha suria i magêsigi tare na giraraha.

¹⁶Na votovoto ki tangahia na maani ruma tanga go arâ i pasina na enoni raha.

¹⁷Na enoni i tamasi hagenago igê na tamasinga ki bâ manga vi ngaia ki vi monari. Ma na matena go hagatea bê me igo ki asa vigu kahu tako togo renia.

¹⁸Manga vi na vererua na enoni raha ma karu hetuguri igê na tamasinga, i ta na matena ka girara ga hatongia na hetuguriha renia na ngaraniha ni hê ni girarasiha.

¹⁹Manga go tamania na goamu ngaia ki page anumasigo manga na para nganganihaga ni hinua. Ma ki manga go mehekorekore, ngaia ki purusigo hura.

²⁰Igo ko ngaugi na guani na tamasinga iamu maremu. Na tamasinga iamu ka hagarateterua tangago na haraniha ma na eraha.

²¹Na tamasinga iamu ka girara ga hagatahigo se ga hagamesigo. Henaka ma ngaigi ka na tarihamu igo maremu.

²²Manga go nahunia na gete koro, igo ko nahunia na vagevageha ma na Araha ki korokoro tangago.

²³Na enoni matareha ki tamasi haritagi tare ma na enoni ruruguha ki girara i arami bêrahaga.

²⁴Na enoni i manatangenira rako na enoni, ngaia ki page baguru. Ma na enoni i manatangenigo monari, ngaia ki koro teharia na goamu go mevora.