Read Kahua SIRAKE 5 Bible Online

SIRAKE 5 - Kahua bible

SIRAKE 5

¹Siana ko hagêgurigi na nahuninga iamu. Siana ko vi: ‘O, i uhu tangê.’

²Siana ko takusia vi i tuguhigo, vigu nahunigi na ara ni marâ go tenigi, ko rapasigi vigu nahunigi.

³Siana ko vi: ‘Inê kê raha tangê mareku.’ Manga ngekana, na Araha ki page hagaitangigo nga.

⁴Siana ko vi: ‘Inê kê tasi! Ma na hagaitangiha kani i he?’ Hoi, na Araha ki piringiape ma vige hagaitangigo.

⁵Siana ko tako bare, vi na Araha ki bonotenigi na tasi iamu. Tahema igo ko ama ni tasitasi nga.

⁶Siana ko vi: ‘E, na takiha iana ki raha teha. Ngaia ki page bonotenigi na tasi rako iaku!’ I monari, ngaia ki takira na enoni tasi ma nikâ ngaia ki mangariaga tangara. Na mangariaganiha iana ki tâ tangara na enoni tasi.

⁷Siana ko hagarihu vigu aharia aporo na Araha. Siana ko surusurua akê, suria na mangariaganiha iana ki girara i hagagasuganigo ma igo ko page meme, suria i hagaitangigo.

⁸Siana ko hagêgurigi na ruruguha go rurugi igê na tarani ga pe oto, surigi ngaigi ki asa vige hagatahigo igê na tangiana ni hagaitangiha.

⁹Na ara ni rogaroga ka pe araria tagenata na hatanga. Na ara ni tara ka pe ararigo vigu arâ surigi tagenani. Bâ, na enoni tasi i matanga na meana, ki katokato vikana.

¹⁰Go tâtâ nga igê na takoha iamu. Go tâtâ nga igê na tamasinga iamu.

¹¹Go hatani karinga. Go takotako nga hagenago ma ko kahu tamasi.

¹²Manga go girara vigo arami, go arami. Manga i mareha, go munimuni.

¹³Na tamasinga iamu ki girara i hagarahasigo se i hagamakigo. Na meamu ki girara i hagaratemu.

¹⁴Siana na enoni ka visigo vigo bagatabotabohara. Siana ko tamasi erasira na enoni. Tagenana manga na makiha ki nanêa na mane hanago, na hagaitangiha raha ki page tarahura na enoni i matanga na meata.

¹⁵Siana ko arâ tasi, henaka i raha se i sisite.